Dunyoda shunday joylar borki, u yerda odamlar nafaqat uzoq, balki sog‘lom va faol hayot kechiradilar. Bu hududlar “Ko‘k zonalar” deb ataladi. Ularda 90–100 yoshga to‘lganlar soni juda ko‘p.
Ko‘k xududlar xaritasi:
Okinava (Yaponiya)
Sardiniya (Italiya)
Ikariya (Yunoniston)
Nikoya (Kosta-Rika)
Loma Linda (AQSH, Kaliforniya)
Ular qanday ovqatlanishadi?
1. O‘simlikka asoslangan parhez – rasionining asosiy qismini sabzavot, meva, dukkaklilar va butun don mahsulotlari tashkil etadi.
2. Go‘sht kam miqdorda – hayvonot mahsulotlari, ayniqsa qizil go‘sht, juda kam iste’mol qilinadi.
3. Baliq va dengiz mahsulotlari – ayrim hududlarda (masalan, Okinava va Sardiniyada) haftasiga bir necha marta.
4. Yog‘ sifatida zaytun yog‘i yoki tabiiy yog`lar.
5. Shirinlik va qayta ishlangan mahsulotlar deyarli yo‘q.
6. Me’yoriy porsiya – “kamroq yemoq, lekin sifatli” qoidasiga amal qiladilar.
Umumiy hayot tarzi odatlari
Kundalik harakat – sportzalda emas, balki tabiiy harakat: yurish, bog‘dorchilik, uy ishlari.
Jamiyat va oilaga bog‘liqlik – oila, qo‘shni va do‘stlar bilan yaqin munosabat.
Stressdan uzoq turish – ibodat, meditatsiya yoki osoyishtalikka e’tibor.
Maqsadli hayot – har kuni “ertaga yashash uchun sabab” bor.
Tabiiy uxlash rejimi – kechasi yaxshi uxlash, kunduzi quyosh nuridan foydalanish.
⚕️ Olimlar ta’kidlaydilar: bu omillar inson organizmini asrab, ruhiy va jismoniy barqarorlikni ta’minlaydi. Shu tufayli ko‘k zonalar aholisi qarilikda ham faol va sog‘lom bo‘lib qoladilar.
✅ Xulosa: “Ko‘k xududlar” tajribasi sog‘lom turmush tarzi uchun dunyoga namuna. Ovqatlanish va hayot tarzimizda ulardan o‘rnak olish – uzoq va sog‘lom umrga yo‘l ochishi mumkin.
Laziza Allayorova
jurnalist