Вилоят соғлиқни сақлаш бошқармасининг навбатдаги ҳайъат йиғилиши ўтказилди. Унда вилоят ҳокимининг ўринбосари Анвар Қобилов ҳам иштирок этди.
Дастлаб Косон тумани тиббиёт бирлашмаси бошлиғи Фарҳод Турсунов туманда ўтказилган ўрганишлар натижасида аниқланган камчиликларни бартараф этиш борасидаги “Йўл харитаси” ҳақида маълумот берди.
Шундан сўнг масъуллар Касби туманида ўтказилган комплекс ўрганиш натижалари хусусида маъруза қилдилар, мавзуга доир тақдимотлар ўтказилди.
Ҳудудда аҳволни яхшилаш юзасидан таклифлар ўртага ташланди, тавсиялар берилди. Ишни намунали ташкил этганларни рағбатлантириш, камчиликларга йўл қўйганларни эгаллаб турган лавозимидан озод этиш ҳамда интизомий чоралар қўллаш бўйича зарур тадбирлар белгиланди.
Йиғилишда, шунингдек, ССВнинг “Бирламчи тиббий-санитария ёрдамини янгича ёндашувлар асосида ташкил этиш тўғрисида”ги буйруғи ижросига тараддуд ҳам муҳокома этилди.
