Нурмат Атабеков,
Санитария-эпидемиологик осойишталик ва жамоат саломатлиги қўмитаси раиси ўринбосари:
— Таълим муассасаларида ўқувчилар ўртасида юқумли касалликларнинг келиб чиқиши ва тарқалишининг олдини олиш мақсадида ходимлар томонидан шахсий гигиена қоидаларига риоя қилиниши учун ошхонада шароитлар яратилиши керак.
👩🏻🍳 Овқатланиш ошхоналарида ходимлар учун мўлжалланган махсус иш кийимларини марказлашган ҳолда ювишни ташкил қилиш зарур.
❗️Шамоллаш ёки ошқозон-ичак касалликлари безовта қилганда, ўз оиласида ичак инфекциялари билан хасталаниш қайд этилган барча ҳолатларда, шунингдек йирингли яралар, кесилишлар, куйишлар ҳақида ишчи маъмуриятни огоҳлантириши керак ва тиббий ёрдам учун мурожаат қилиши лозим.
🙅🏻♂️ Ичак инфекциялари, терининг йиринглаши, юқори нафас йўлларининг яллиғланиш касалликлари бўлса, бирор жойи куйган ёки кесилган бўлса, вақтинча ишга қўйилмайди.
♻️ Фақат соғайганидан сўнг, тиббий кўрик ва шифокор хулосасига қараб қайта ишлашга рухсат берилади.
💊 Ошхона биринчи тиббий ёрдам кўрсатиш учун дори қутиси билан таъминланиши зарур.
📖 Бундан ташқари, ошхона ишчи-ходимлари тиббий кўрикдан ўтган ва зарур ҳолларда “Санитария минимуми” ўқув курсларида ўқиган бўлишлари лозим.
🧼Кунлик иш жараёнидан сўнг ювувчи ва зарарсизлантирувчи воситаларнинг таъсир фоизидан тўғри фойдаланилган ҳолда тозалаш ишларини олиб бориш шарт.
🍛 Тез айнувчи ва тез бузилувчи, пишган ва хом озиқ-овқат маҳсулотларини вақтинчалик сақлаш учун совуткичлар етарли ташкил этилиши керак.
🧊 Кунлик тайёрланадиган барча егуликлардан кунлик намуналар 24 соат давомида совуткичларда сақланиши зарур.
Соғлиқни сақлаш вазирлиги
Матбуот хизмати.