Қамашидаги «Саломатлик сайли»да 650 га яқин фуқаролар иштирок этди.
Туман тиббиёт бирлашмаси ҳудудида ташкил этилган тадбирда жам бўлган аҳоли вакиллари пойтахт ва вилоят марказидан келган малакали шифокорлар кўригидан ўтишди.
Уларнинг 295 нафарига амбулатор муолажа, 45 нафарига стационар даволаниш тавсия этилди. 10 нафар беморда юқори технологияли операциялар ўтказиш режалаштирилди.
Шунингдек, сайил давомида туман кўп тармоқли марказий поликлиникаси болалар бўлимининг 1,2 миллиард сўм маблағ эвазига таъмирланган биноси очилди. Эҳтиёжманд беморларга ногиронлик аравачалари ва эшитиш мосламалари топширилди.
Шу билан вилоятимизда «Саломатлик сайли» тадбирлари якунланди.
Вилоят соғлиқни сақлаш бошқармаси маъмурияти акциянинг самарали ўтишига салмоқли ҳисса қўшган барча шифокорларга ўз миннатдорчилигини билдиради.
Тиббий кўриклар энди воҳамиз мутахассислари иштирокида давом этади.
