💉Вилоятда эртага эҳтиёжманд оилалардаги болалар орасида вирусли гепатитнинг А турига қарши оммавий эмлаш ҳафталиги бошланади.
🗓Юртимизда Миллий эмлаш календари асосида 13 турдаги юқумли касалликка, хусусан, гепатит Вга қарши режали вакцинация бепул амалга ошириб келинмоқда.
📌Лекин гепатитнинг А турига қарши вакцинация – пуллик. Бу ҳолат айрим эҳтиёжманд оилалар вакилларига қийинчиликлар туғдираётган эди.
🏢Вилоят ҳокимлиги ташаббуси ва халқ депутатлари вилоят кенгашининг қарори билан воҳада бу муаммонинг ечими топилди.
👨👧👦Маҳаллий бюджетнинг 1,160 миллиард сўм маблағи ҳисобидан ҳафталик давомида вилоятдаги ногиронлиги бўлган, «Темир дафтар» ва «Аёллар дафтари»да ҳисобда турган оилалардаги 1,5 ёшдан 7 ёшгача бўлган болаларнинг 7190 нафари гепатит Ага қарши бепул эмланади.
⚡️Босқичма-босқич бу қамровни янада кенгайтириш режалаштирилган.