Ўтган қисқа вақт ичида, яъни илк бор бу операция 2023 йилнинг август ойида 7 та беморда ўтказилган бўлса, 1 ноябр куни эса 3 та беморда, жами 10 та беморда ишлаб турган юракда аорта-коронар шунтлаш операцияси бажарилди. Мутахассислар томонидан ўтказилган операциялар асоратсиз ўтди, юрак қон томири кўчирилди, яъни шунт қуйилди. Ушбу ўтказилган 3 та операцияда РШТЁИМ Қашқадарё филиали мутахассислари биринчи ассистент сифатида ишладилар. Келажакда ушбу амалиётларни мустақил бажариш учун бу катта ютуқ ҳисобланади.
Беморларнинг хозирги кундаги ахволи қониқарли. Юрак фаолияти тикланган, қўйилган шунтлар ишлаб турибди. Юрак куч-қуввати ошган.
