Вилоят ҳокимлиги ҳамда вилоят соғлиқни сақлаш бошқармаси ташаббуси билан ўтказилаётган навбатдаги тиббий кўрик Касби тумани марказидан 70 километр масофада жойлашган Чўлқувар маҳалласидаги Ибн Сино оилавий шифокор пунктида ташкил этилди.
Чўл қўйнидаги 2845 нафар аҳоли истиқомат қиладиган олис маҳалладан Қарши тугул Касбига бориб, врачга кўриниш осон эмас. Шу сабабли вилоят ва туман марказидан борган малакали шифокорлар ташрифи чўлқуварликларни мамнун этди.
Окулист, невропатолог, кардиолог, жарроҳ, эндокринолог, онколог, акушер-гинеколог, педиатр, травматолог, уролог, пульмонолог, Лор, УТТ мутахассиси назоратидан ўтган жами 308 нафар кишининг 112 нафарида турли касалликлар аниқланди. Уларнинг 102 нафарига амбулатор, 10 нафарига шифохонада даволаниш тавсия этилди.
Касбидаги кўриклар энди Денов маҳалласида давом этади.
