Бугун вилоят соғлиқни сақлаш бошқармасининг бир гуруҳ масъуллари, шунингдек, вилоят даволаш-профилактика муассасалари раҳбарларидан иборат ишчи гуруҳ Касби тумани муассасаларида ислоҳотларнинг боришини ўрганишди.
Илгари хабар берганимиздек, ишчи гуруҳ туман ва шаҳар тиббиёт бирлашмаларида Президентимизнинг соғлиқни сақлаш тизимига оид қарор ва фармонлари ижроси, бирламчи тиббий-санитария ёрдами, тиббий бригадалар фаолияти, скрининг ва профилактик кўриклар ташкил этилганлиги, даволаш-ташхислаш ишлари ССВнинг амалдаги клиник протоколлари асосида олиб борилганлиги, “MedHub” электрон тизимида ишлаш, дорихона фаолияти, кадрлар таъминоти, қурилиш-таъмирлаш ва молиявий-хўжалик ишлари ҳолатларини ўрганиш ҳамда амалий ёрдам кўрсатиш мақсадида ташкил этилган.
Таҳлил натижалари бошқарманинг кенгайтирилган йиғилишида муҳокома этилади, керакли тавсиялар ишлаб чиқилади ва зарур чоралар белгиланади.
