Бугун вилоят соғлиқни сақлаш бошқармасининг бир гуруҳ масъуллари, шунингдек, вилоят даволаш-профилактика муассасалари раҳбарларидан иборат ишчи гуруҳ Яккабоғ тумани муассасаларида ислоҳотларнинг боришини ўрганишди.
Ишчи гуруҳ аъзолари тиббиёт бирлашмасида Президентимизнинг соғлиқни сақлаш тизимига оид қарор ва фармонлари ижроси, бирламчи тиббий-санитария ёрдами, тиббий бригадалар фаолияти, скрининг ва профилактик кўриклар ташкил этилганлиги, даволаш-ташхислаш ишлари ССВнинг амалдаги клиник протоколлари асосида олиб борилганлиги, “MedHub” электрон тизимида ишлаш, дорихона фаолияти, кадрлар таъминоти, қурилиш-таъмирлаш ва молиявий-хўжалик ишлари ҳолатларини кўздан кечириб, ўз тавсияларини беришди.
Гуруҳга раҳбарлик қилган бошқарма бошлиғи Алишер Бобоев туман тиббиёт бирлашмасига қарашли шифохоналар фаолияти билан яқиндан танишди, беморлар ва уларнинг яқинлари билан мулоқотда бўлди.
